Ol hilâl-ebrû civânım mâh-tâb olsun da gör Meclis-ârâ-yı şeb-i vuslat-me'âb olsun da gör Tıfl-ı endek-sâledir bilmez henüz mahbûbiyet Râz-dân-ı şîve-i nâz u 'itâb olsun da gör Çok sehî kâmetleri ham-geşte eyler cevr ile Hoş levend-âne revişli bir şebâb olsun da gör Dâne dâne al ruhsârı 'arak-rîz oldugun Neş'e-yâb-ı zevk-i gulgûn-şarâb olsun da gör Nice seyrâna dili bir mûya bend eyler hele Gerdeniñde kâkülü pür-pîç-tâb olsun da gör Zabt eder şemşîr-i gamzeyle hezârân cân u dil Mülk-i hûbîde şeh-i 'âlî-cenâb olsun da gör Hor bakma Zihnî-i hasret-keşi mahzûn görüp Lutf-ı cânân ile bir kez kem-yâb olsun da gör